Merki fyrirtækisins

Tileinkaðu þér góðar venjur

© Líkami & Lífsstíll  - 03/03/2015


Tileinkaðu þér góðar venjur í mataræði og vatnsdrykkju og árangurinn kemur.

Allt of margir búast við árangri strax og gefast upp að lokum eftir aðeins mánuð. Jafnvel vitandi það að fólkið sem er í fanta formi er búið að leggja á sig margra ára puð við að ná þeim árangri sem það nýtur í dag, flott líkamsbygging og heilbrigður lífsstíll.

Þú ert sammála því að markmið æfinga og mataræðis sé að byggja og móta líkamann? Flott, en þetta tekur tíma því það tekur líkamann tíma af nátturunar hendi að endurnýja sig. Sem dæmi þá endast blóðflögur í 60-120 daga. Á 6 mánuðum deyr allt prótein í vöðvunum og því er skipt út fyrir nýjum próteinum. Á einu ári gerist það sama við beinin í líkamanum og meira að segja glerunginn á tönnunum, þ.e. allt endurnýjað að öllu leyti úr mataræðinu sem þú borðar.

Mynd af brauði með lax, lauk, káli og fleiru á. Tileinkaðu góðar venjur.

Hafandi sagt þetta þá á það vel við sem hefur verið sagt í svo langan tíma; Þú ert það sem þú borðar. Því ættir þú að tileinka þér heilbrigt mataræði og árangurinn lætur ekki á sér standa en þú þarft að vera ákveðin/n í mataræðinu til að sjá og finna mikinn mun, bæði á líkama og sál!

Og þá að vatninu okkar góða.

Eitt það alltra mikilvægasta og nauðsynlegasta fyrir þig ef þú ætlar virkilega að ná hámarksárangri í þeirri líkamsrækt sem þú stundar er VATN. Já það er rétt. Vatn er nauðsynlegra heldur en t.d. prótein, kolvetni og BCAA amínósýrur. Tja auðvitað bæta fyrrgreind atriði einnig árangurinn en vatnið er samt alltaf það fyrsta sem þú ættir að leiða hugann að.

Hvers vegna vatn?

Til að svara því er líklega best að koma með nokkrar staðreyndir sem fær þig kannski til að hugsa aðeins öðruvísi.

Mynd af vatni í tréskeið sem sótt er í læk. Tileinkaðu góðar venjur.

Verulega erfiðar æfingar geta krafist 7,5L af vatni á dag og öllu vatni í líkamanum er skipt út á 6 daga fresti.

Ef vöðvana skortir t.d. 3% vatn missa þeir um 10% af krafti og 8% af hraða. Kannski ekki stórar tölur en risa stórar tölur ef þú ert að reyna að bæta þig. En hvað á maður að drekka mikið vatn yfir daginn. Lesa má um það hér; Hvað á maður að drekka mikið vatn.

En að öðru leiti er hérna ágætis viðmið í tengslum við æfingar.

Fyrir æfingu: Áður en þú ferð á æfingu er gott að drekka 1 – 1,5L af vatni og hluti af því getur t.d. komið úr pre-workout drykk eins og X-PLODE
Á æfingu: Gott er að hafa þá reglu að drekka um 1L fyrir hverja klst sem æfingin stendur og getur hluti af því vatni komið með æfingadrykkjum eins og BCAA Intra eða AMINO Intra.
Eftir æfingu: Mikilvægt er að vökva líkamann eftir æfingar og er þá jafnan miðað við að drekka 1-1,5L fyrsta klukkutímann eftir æfingu og getur hluti af því vatni komið úr próteindrykkjum.

Reyndu að fylgja þessum leiðbeiningum í viku og fylgstu með árangrinum. Þér á eftir að líða betur, áorka meiru, líta betur út og sofa betur.